[omhanine]

مساء الخير حبيباتي
على بالي طولت مي ان شاء الله كي تشوفو الخطوات تفهمو مليح و اللي تجربها تدعيلي

في البداية عملت جينواز عادية و هايلة
المقادير
4 بيضات
كاس سكر
فنجان زيت
فاني
فرينة و كيس خميرة

هاد الكمية عاوديها باه تعملي زوج طورطات وحدة في مول الشارلوت ووحدة فالمول الدائري العادي
درت وحدة فاني ووحدة شوكو

كي يطيبو نحيهم من ليمول و خليهم يبردو نص ساعة نحيهم مالفريجيدار و غلفيهم بالسيلوفان و رجعيهم
هاد الطريقة تسهل التقطاع خليهم ساعتين
انا خدمتهم فاليل و الصباح عملت الباربي

يلزملك باطة تاع كريم شانتييه انا شريت وحد الوع دوق بنان روعة
و كي قطعتهم شربتهم بالعصير اللي فالدار و حطيت الكريمة بين الطبقات



راهي الضلمة خاطر خدمتةها بعد صلاة الفجر و تالمو تحكم اليد كملتها جوايه 9سا

و من بعد تطلي الخرج بالكريمة باه تلصق العجينة




ضرك بقالي غير الديكور
خدمت عجينة المارشميلو اللي ما تةعرفهاش تدخل لمواضيعي راني حاطتها بالتفصيل
حليتها دائرية كي الكسرة ههههههه
و قست بالميترة تاع الخياطة لازم تكون قد الطورطة باه تجي متقونة
و حطيتها عشوائيا هكذا



اعدلي الحواف باه تجي كي الفستان

من بعد هزيت دمية بنتي (خلاص ولات تاعي ههههههه اممتها) مشطلها (بيني و بينكم حلاتلي و بديت نمشط و نعاود تةذكرت الطفولة)
و غرستها فالطورطة بعد ما فتحتها بالموس
هكذا




حاولت نثبتها بعود الايسكريم مي لقيت احسن حاجة العجينة يبستها بالسكر قلاصي و دورتها على الخصر ولات ما تتحركش و كلش مونجابل ههه

و من بعد قطعت مثلث و درتو مالفوق و بالمثال تع الصابلي درت الكول و من الوراء خدمتلها noeud و اللمسة الاخيرةت باه تجي تبرق brillant alimentaire blanc
باه لصقت الوردات استعملت pinceau و ماء
و هاهي النتيجة و اللي عندها سؤال راني فالخدمة
و ما تنساوش التقييم و دعوة مليحة




و مالوراء



وهاذي مالداخل بعد التقطيع والذوق صراحة رااائع



تحيااااااااتي