:1 9: يعطيكم الصحة يا لبنات واش نقدر نقولكم ربي يعاونكم كيما عاونتوني والله بلا بيكم ماعلى باليش واش كنت رح ندير ربي يجازيكم . المهم جازت العرضة هايلة وكامل عجبهم لعشا مع لي درتلهم حاجات شوية جديدة . المهم دوك نقولكم واش درتلهم ومنبعد ان شاء الله نحاول نطلع التصاور درت la soup blanche psk عجوزتي ما تحبش الشوربة الحمرا ودرت تاني الرولي المالح نتاع أم رامي يعطيها الصحة خرجلي هايل وكامل حبوه ودرت المتوم نتاع الوهرانية تاني خرجلي هايل وحبوه وقالولي كامل كيفاش درتيه و زدت معاه قراتان نتاع البطاطا والجلبانة والدجاج و الحاجة اللي عجبتهم كامل وماتو عليها وبقاو يهدرو غير عليها هي la salade نتاع الأخت fella يعطيها الصحة والله ماني عارفة واش نقولكم حمرتولي وجهي جازاكم الله خيرا