[معاً إلى الله]

المشاركة الأصلية كتبت بواسطة البلبلة

مممممممم

اول حاجة نصبح عليها هو عمي قرلو "يععععععععع"

اهو يوم باين من اولو

المهم

نرجعوا للورطة

الصراصير المقرفة انا نخاااااااااف منها

اول حاجة نديروها هي الحفاظ على النظافة دائما باه مايلقاش علاواه يتغذى خصوصا الفتات وبقايا الطعام على الارض ووراء الاثاث والالات الكهرومنزلية



والحرص على اغلاق جمييييييع الفتحات وقنوات الصرف الصحي

لانو من هناك يدخل العم"قرلو" اللي يحب بزاف الاوساخ وقنوات الصرف ويتكاثر فيها

وهادو طرق وقائية

اما الابادة لازملك المواد الكيميائية

كاين "قرلو مات" هادي روووووووعة

وتجي على شكل ابرة ومليئة بالمادة السامة على شكل عجينة تحطيها في الابواب ووراء الالات المهم في اي زاوية

ومنين تاكلها الحشرة ماتلقايهاش

ماشي تلقايها ميتة

ماتلقايهاااااش

ماعلاباليش وش يصرالها

نظن تتحلل مسكينة

ولا كاين اكياس تاع مادة سامة ضد الصراصير

وهادي اللي نستعملوها في بيتنا

منين ترشيها اليوم الموالي تلاحظي اختفاء الصراصير بصفة نهااائية

في رايي هادي الحل الامثل

ثاني ممكن استعمال المبيدات ولو اني مانفضلهاش لرائحتها الكريهة اللي تبقى في البيت

وممكن تؤذي الاطفال لانها تلتصق باللعب والاواني

ولازم كل شي يعاود يتنظف

وكاين اللي يستعملو اكياس المادة هاديك اللي تجي في علب الاحذية الجديدة

وينشروها في امكن الصراصير

لكنها تقى ايضا خطر على الاطفال لو اكلوها

ايضا كاين جهاز يعمل على الذبذبات ويطرد الفئران والحشرات

توصليه بالكهرباء ويتخليه يعمل

وياثر على الجهاز العصبي تاعها

لكن البعض يقول انو يسبب الصداع او امراض على المدى الطويل

لانو في نفس الوقت ياثر حتى على الجهاز العصبي للانسان

مالا خلينا منو

هادي في حالة ماتكون البنت وحدها

اما لو معاك اخوك ابوك او زوجك او حتى ابنك

وممكن البنات اللي عندهم صفة "مانخافش قرلو"

يبقى الحل الافضل

صباحك فلّ و ياسمين ..
و أنا أوّل حاجة نمسي بيها أنو عرف أنو القرلو هو عمّك ..

زعمة درتيلو قدر و تعيطيلو عمّي ..

أرواحي الى هنا و فهميني واش معنى هاذ الجملة ..
انتِ قلتِ بالحرف الواحد أنو :

الصراصير المقرفة انا نخاااااااااف منها

يعني حدّدتي النوع المقرف منها فقط .. مالا لخرين ما تخافيهمش و لا كيفاش
وعلاش كاين صرصور مش مقرف ..

و أما عن المنتج قرلو مات فقد أجمعتي على فعاليته مع الأخت ألاء ..
و يظهرلي أنك خبيرة في التعامل مع هذه الحشرة ..

فهميني كيفاش ما نلقاهاش بعد وضع المااادة ..

و زدتي قلتي تتحلل المسكينة ...

زيدي .. عمي .. المسكينة .. قتلتيهم بالقدر ..

مممم حلولك جميلة .. خاصة فكرة ذلك الجهاز ..
جامي سمعت بيه ..
ممكن الشكل أو الماركة حتى تنتفع رزيقة و غيرها اكثر ..

اما عن الحل الأفضل الذي اقترحتيه لنا ..
الشحيط بالبلغة
أكيد راح تجيب حقها الفردة الواحدة ..
لكن هذا حلّ للشجعان ..


مشكورة أختي البلبلة على مشاركتك الجميلة ..
نوّرتينا بتواجدك اللطيف ..
استمتعتُ بتحليل حلولك ..

كوني قريبة دومااا ..

المشاركة الأصلية كتبت بواسطة البلبلة

............................................

.. أعتقد أنه ردّ محجوز من طرفك ..
مممم ترى ماذا ستتحفيننا به أيضااا ..

سنرى ......