السلام عليكم حبيباتي اليوم جبتلكم كيش رووووووعة فالشكل والبنةحبيت اتشوفوه واذا اعجبكم جربوه لان حقيقة بنييييين نحتاج للعجينة 250غ فرينة 125غ مارغرين طرية بيضة نصف م ص خميرة القاطو نصف م ص خميرة الخبز شوي ملح ماء دافيء لطم العجينة انحطو الفرينة +المارقرين طراف صغار+الخميرتين وخلطي مليح حتي تتحصلي علي عجينة رملية منبعد+البيضة+الملح وخلطي ثم+الماء الدافيء حتي تنطم العجينة لازماتكون طرية خليها ترتاح في بلاصة دافية في كيس بلاستيكي وروحي وجدي الحشوة المقادير اولا رطل بطاطا قشريها وقطعيا حطيها في ماء مالح + فصين او 3 ثوم وغليهم lمنبعد كيتطيب صفيها وعبويها غير بالفرشيطة+معدنوس مقطع رقيق+ فلفل اسود+بصلة مرحية+فلفل عكري او الكاري+صفار بيضة ونخلط كل شيء وجدنا الحشوة انزيدو انوجدوا بو لات اصغار انتاع الجبن الطري انا استعملت شاف وخليهم وروحي للعجينة عاودي اعجنيها غير شوي وطرحيها وديريها في مول كيما هذا او اي نوع عندك وندخلوها للفرن مسخن من قبل حتي تطيب من تحت انحمروها من فوق والنتيجة نتمني تعجبكم وتجربوها لانها فعلا بنينة نستني ردودكم في امان الله