[ghada91]

بنات المنتدى الرائع اهلا و سهلا بكم

كالعادة طبقت احدى الوصفات السهلة و اللذيذة خرجلي رووووووووووووعة بصح انا غيرت غير الديكور و خرجلي تاني روووعة نتمنى تجربيه و ترجعيلي الخبر

اللي دارت الوصفة غطست الكعيكعات فالعسل من بعد رمدتهم فالnoix de koko

نخليك مع المقادير:
نصف كاس زبدة ذايبة
نصف كاس زيت
نصف كاس حليب دافي
ملعقة صغيرة خميرة نوارة
قرصة ملح
2 ملاعق كبيرة من السكر المطحون{{{{{ انا نسيت المرة اللي فاتت درتو سكر عادي خرجلي كيما اللي درت فيه السكر المطحون غير كيف كيف{{{{{{

+ الفرينة حتى تصبح متماسكة

خلي العجينة ترتاح بينما تلمدي الصوالح و توجدي السينية ترشي عليها شوية فرينة

اصنعي حربوش صغير و دوريه حتى يولي براسلي

ديريهم فالسينية و دخليهم للفرن اللي يكون سخون على درجة حرارة منخفضة

كي يطيبو من التحت حمريهم من الفوق و خليهم يبردو:

و من بعد ديكوريهم كيما حبيتي

تحبي تديري كيما صاحبة الفكرة: تغطسيهم فالعسل و من بعد ترمديهم فالنوادكوكو

تحبي تديري كيما انا غطستهم فالمازهر ز رمدتهم فالسكر المطحون

تحبي تديري فكرة اخرى من عندي: تغطسيهم في معجون المشماش من بعد ترمديهم فالكاوكاو

انتي حرررررررررررة

المهم هاذ الوصفة ناجحة ميا بالميا

نخليك مع الصور

درتها مع قلب اللوز اللي وريتولكم المرة اللي فاتت ,,, جاتني صحبتي ضيفة عندي من الجلفة حطيتهملها ... عجبوها بزااااف





نشا الله تعجبكم نتوما تاني