[إلهام07]

الوصفة الثانية

جبتلكم اليوم أسهل وصفة للدجاج المحمر في الفرن و هي لذيذة وصحية ، أتمنى أن تعجبكن و نشوف تطبيقاتكم :

المقادير:
* قطع دجاج حسب أفراد الأسرة (أنا استعملت 8 قطع )
* حبات بطاطا مقشرة و مقسمة إلى أرباع ، أيضا حسب عدد الأفراد ( أنا استعملت 1 كغ )
* 3-2 حبات جزر كبيرة مقطعة ( ممكن أكثر إذا حبيتي ، هذا يتوقف على كمية الدجاج والبطاطا اللي استعملت )
* نصف ربطة معدنوس مقطعة
* 6-5 فصوص ثوم مقسومة على 2
* 2 حبات بصل أخضرمقطعة أو بصلة عادية
* كمشة من الزيتون الأخضر ( اختياري ، ساعات نحط و ساعات ما نحطش )
* نصف قرن فلفل حار أخضر مقطع ( اختياري )
* 4 ملاعق زيت عادي
* شوية ماء
* 2 ملاعق عسل ( تعادل الطعم الحامض للطماطم المصبرة و تعطي لون عسلي للدجاج و البطاطا روعة ، ما تحسيش طعم العسل بتاتا )
* 1 ملعقة موطارد
* 1 ملعقة هريسة
* 1ملعقة طماطم مصبرة
* كصبر
* فلفل أسود
* فلفل أحمر حار
* أفاح ( اختياري )
* حبة حلاوة ( راهي تعطي بنة سحرية للطبق )
* ملح
* zest ليمون أو برتقال ( اختياري )

نخلط الكل مع بعض جيدا و نضع الكل في إناء كبير نتاع الفرن ونغطيها بألمنيوم وندخلها للفرن وكي طيب نحي الألمنيوم وحمريها من فوق .

شوفو هذا درتو أول مرة بالأجنحة فقط ( كان خلاص عندي المصروف ههههه )



وهذا درتو للضياف نهار المولد ( حطيت فيه زيتون اخضر ) :



وهذا ثاني درتو للضياف نهار الجمعة :



زادت ماما معاه كسرة رخسيس و سلاطة و شربة فريك و زيتون كاسي :



أخص بالشكر الأخت أم ماجد اللي ساعدتني في هذه الوصفة .

أرجو أن تعجبكم و طبقوها راهي ساهلة و بنينة تحمر الوجه ، تقدري تحطيها الطيب و تقعدي تحكي مع الضياف بكل راحة.
أهم حاجة في الوصفة أنها جي بنينة بكمية قليلة نتاع دجاج وإذا ماعندكش دجاج عوضيه بقطعة أو 2 ماجي وحمري البطاطا و استغناي عن البطاطا المقلية راهي صحية وبنينة


تحياتي