[faizarbh]

السلام عليكم
أخواتي الكرام هذي وصفتي في مسابقة الحلويات و التي كان
وكونها الرئيسي هو * البرتقال*
هذي هيا الكيكة اللي خدمتها و ان شاء الله تعجبكم راني تعبت فيها



المقادير:
1 الكيكة:
نحتاج كاس و نص فرينة ، ربع كاس مايزينة ، باكي خميرة كيميائية ، مغرف صغيرة بيكربونات، نص كوب زبدة ذايبة، 3 حبات بيض، كوب سكر ، فنجان عصير برتقال، نص كاس حليب، برتقال مبشور،ملعقة كبير مجفف قشور البرتقال (نقشر البرتقال و نخليه ييبس مدة 15 يوم ثم ندخلوه للفرن نحمصوه غير شوية ثم نطحنوه على شكل بودرة و انا نستعنلها في الحلويات لانها تعطي ذوق رهييييييب )

2 كريمة البرتقال:
نحتاج كاس و نص عصير برتقال طازج +كاس عصير برتقال علب، 2 ملاعق كبار مايزينة او 3 ملاعق ، فانيلا.

3 قشور البرتقال المكرملة:
سكر، قشور برتقال
4 للتزيين:
شوكولا و برتقال، كريمة الشانتيي

*لتحضير القشور المكرملة نستخدم قشور برتقال مقطع كما في الصور و السكر نديروه فكاسرونة و نخلوه يتكرمل ثم نضيفلو قشور البرتقال و نخليهم يطيبو فيه و نبقى نخلط ثم نصفوه من الكراميل ونديروه على ورق الطبخ و نخلوه ينشف






* كريمة البرتقال نخلط كل المقادير و نديرها على النار تعقد
* الكيكة بعدما نضرب البيض نزيدلو السكر و باقي المكونات و نضرب مليح و البرتقال قبل مانديرو يطيب نصفيه باش تروح منو كل الشوائب









نديرها في قالب الكيك المدهون بالزبدة و المرشوش بالفرينة و ندخلها للفرن على نار متوسطة



كي اطيب نخليها تبرد و نقسمها على اثنين و ندير من كريمة البرتقال ثم ندير عليها الشانتيي




ثم ندير الطبقة الثانية و نديرلها كريمة البرتقال و نخليها تشد روحها شوية و نديرلها الشانتيي شوية هنا تعبتني الشانتيي ما حبتش تشد روحها على كريمة البرتقال لانها رطبة بزاف لكن صبرت معاها




كنت من قبل جهزت الشوكولا اللي نزين بيها و رسمت على ورق الطبخ فراشات و درت دوائر عشوائية للجوانب و ذوبت الشوكولا و درتها في كيس و رسمت على الاشكال تابعو الصور كيفاش درتهم







و كي تنشف ننزعها بلطف و ما تديش وقت طويل باش تنشف


و هنا زينت بالدوائر جوانب الكيكة بالدوائر و من بعد درت الفراشات من فوق و زينتها بقطعة من قشر البرتقال المكرمل و درت برتقال على شكل شمس و درت في وسطو كريمة برتقال











ان شاء الله تعجبكم كيكتي المتواضعة