موضوع مميز اختي قايزة اعجبتني كثيرا نصائحك انت ذائما هنا لرفع معنويانتنا و بعث الهمة فينا لذلك اسأل الله ان تلسق فيك الهمة و لا تخطيكي ابدا ايييه غاع des esistes ربي يوفقكم كذلك البرنامج عند تعديله هكذا راو مليح و ترك اوقات للفراغ في البداية كان يخوف ههههه و اعجبني انك اعطيتي وقتا للعلوم بحكم لم تتحصلي على نقطة جيدة سأقدم لك بعض التوجيهات في العلوم (رغم انها مهبلتني هذه الايام وراني حاسة تقوشيت جامي قريتها و تراجع المستوى تاعي لانني اهملتها كثيرا لكن هذه النصائح هي خلاصة كيف استطعت تحقيق علامة جيدة في الباك ) اول نصيحة هي حلي التمارين تاع احمد امين خليفة شفهيا لانها كثيرة جذا و كذلك حلي بالمجموعة مثلا اربعة كل يوم شفهيا لتحسين اللغة لتفادي التكرار و الشرح الزائد و حلي سؤال بسؤال مع مقارنة اجابتك و محاولة جعلها لغة علمية و كانك تكتبي معادلة بالكلمات الحوصلة في الكتاب مهمة جدا لانها هي التي ستتحول الى نصوص علمية لانك تقولي نكتبها وحدي راحة دائما تلقاي حاجات ناقصة بالنسبة للتصحيح في حين الحوصلة فيها كل المعلومات مما يجعلك تاخدي العلامة الكاملة كما ان معظم الاسئلة المباشرة ووضع البيانات و رسم مخططات تقدري تدي علامة كاملة عليهم يعني متخليش النقاط تروحلك هنا هذا ما لاحظت عندما حللت مواضيع الباك انني اضيع نقاط في هذه الاشياء التافهة كذلك التحليل تقدري تدي عليه العلامة الكاملة و هو انك توصفي ما تلاحظينه ماتزيدي حتى حاجة من عندك كذلك اذا كانت دروة اهدري عليها و قولي القيمة حاولي تقسمي و تديري المجالات الزمنية و الاسئلة الاستنتاجية روحي رقمي الاشياءالتي طلب منك الاستنتاج عليها و ديري كيما نديرو في الرياضيات (انت رياضي جبونس فهمتيني ) و في الاخير الاسئلة التفسيرية و التي اعتبرها أصعب الاسئلة و هنا انصحك بالتمارين التي تتضمن افكار يعني في احمد امين خليفة كاين تمارين تتعاود لا ارى الهدف من اعادة حلها غير اذا كنتي مازال مفهمتي الفكرة كذلك التفسير اكتبيه لعدة مرات و اقرايه عدة مرات حتى تلحقي للتفسير الادق و اللذي يتضمن كل المعلومات و كل ما تحلي تمارين رايحة تتحسني في الاخير نهار الباك من المستحسن العمل بهذه الطريقة يعني الاسئلة السهلة حتى الوصول الى التفسير و جامي تنساي العلوم مادة علمية و ليست ادبية بلاكي تدخلي و تحسبي روحك فلبريمار راكي تكتبي في شعر ولكن فكري مرارا و تكرارا قبل الكتابة و اعيدي حل كل مواضيع الباك لكي تأخدي نظرة عن التصحيح انا كنت اصحح لنفسي ههه و عادي مانلقاش حاجة في ورفتي نحي عليها و الله كانت مهبلتي في الشهر الاخير لانني كنت لا أجد فيها العالمية التي نجدها في الرياضيات فالكل يصل الى نفس النتائج لكن اتذكر مرة كانوا دايرين في الاخبار واحد الباحثين في مجال الطب قال لهم " نحاول ان نفكر" فقلت في نفسي كيفاه هذا علم يقللهم هكذا بي تواضع جميل و انا حابة ،،،، فوليت نقول انا احاول و الله حتى وليت نلحق اجابات متقاربة الى حد كبير للاجابات النمودجية و تصالحنا انا و العلوم و مند ذلك اليوم نحبها و تحبني يارب وفقنا في باك 2013 و في الفلسفة خطوة جميلة انك تبحثي عن الابداع و حقيقة المصحح يمل اذا قرا نفس المقالات لكن عندما يقرا مقالة فيها تغيير حتى و ان كانت نفس الافكار يعجبوا الحال و يتشجع ليقدم نقاط و شوفوا انتم بانفسكم مرات تشوفوا نفس المقالات و التلاميد غاع دايرين نفس الاشياء و انا اعتقد ان من الاشياء التي تخلي المصححين ينقصوا هي اهمال التلاميد للتركيب و الاستنتاج خاوتي لاحضتوا تصحيح الباك عليها 8 نقاط. نعم 8 و اذا خصك مثال او مقولة لكاش فيلسوف ينقصولك لذلك مديروش فيهم سطرين و تروحوا اتذكر الاستادة كانت دائما تقوللنا خلوا كاش مقو لة شابة حطوها في الاخير باش تخلعوا بيها المصحح ويولي يقول اييه هذا يعرف ههههه و ماتنساوش تحطوا امثلة من عندكم سوغتو من استنتاجكم الخاص و الله المقولة راحة تولي اجمل و يولي فيها هذاك الحماس الفلسفي لي غير لي يحب الفلسفة يفهم كذلك كانت دائما تقوللنا الاستادة دائما اشعلوا النار في مقدمة جدلية هههه و الله استادنا متعة الفلسفة عندها و كانت تقوللنا لي مايعرفش يدير مقدمة ستوندار تداربت الاراء كانت تقولهالنا و لكن نحسوا بلي الاساتدة يملوا من هذا النوع بل المقدمات دائما حاولوا تبدعوا فيهم و تعيدوا استصاغة السؤال كانت الاستادة تقوللنا باش تبينواوا بلي راكوا فهمتوا على واش راهوا يهدر كانت تقوللنا في الاستقصاء بالرفع ماشي ديروا كل الحجج في البداية امبعد تخلوي وحدة في النهاية انا صراحة في الباك بدلتها كامل حتى خفت مايمدوليش مليح لكن وجدت في التصحيح ان العلامة تحسب يعني في البداية درت المناصرين لعقلانية الرياضيات لكن بشكل وجيز و دورتها على روحي حتى يشكوا فيا ثم وضعت الحجج الاخرى مع توسع و في الاخير اتمنى انني افدتكم و لو قليلا و موفقون و انا في انتظار فايزة و امينة يوم يفرحونا بالامتياز انا كلي ثقة فيكم و اسأل الله ان يوفقني واياكم فلا موفق الا من وفقه الله