[ام ساجد]

المشاركة الأصلية كتبت بواسطة أم ماجد

رائع يا ام ساجد تطبيقك احلى وهديتك مقبولة
اعطني وصفة لاجولي في اثنين وادعيوا لي معاكم

ربي يحفظك يا ام ماجد وشكرا ليك لي شجعتيني باه نخدم الكريب
نقلك حاجة وتقعد بيناتنا اول مرة نخدم الكريب نحبها بصح نخاف نعملها ايا كي شفت تاعك تشجعت
ورحت طول خدمتها وصلحتلي ربي يهنيك ان شاء الله ويصلحلك في وليداتك
1 - جيلي البرتقال
كاس عصير برتقال + كاس ماء + فنجان سكر + فنجان نشاء نخلط كلشي في البارد ومبعد نحط
على النار ونخلط دون توقف حتىيبدا يخثار نحي من النار ونبقى نخلط شوي
جربي بالفنجان صغير اول مرة وبعد انت تتحكمي في الكثافة تاع الا حبتيه ثقيل خلي كمية النشاء
نفسها الا حبتيه خفيف نقصي في النشاء
2- جيلي الليمون
كاس عصير ليمون + 2 كاس ماء + 2 فنجان سكر + فنجان ونص نشاء
ونفس الطريقة الاولى العصير طازج انا نعصر البرتقال و الليمون
بالتوفيق اختي وشكرا ليك