[rimoucha0187]

المشاركة الأصلية كتبت بواسطة آلاء الرحـــــــمن

السلام عليكم ورحمة الله

شوفي اختي انا نخدمهم بالصح ما صورتهمش شوفي نحاول نفهمك بالشوية

الادوات المستعملة

العقاش او السمسم لونين مختلفين و الخيط يشبه لخيط شبكة الصيد روحي لي يبيع العقاش قوليلو يعطيك الخيط تاع البلاستيك راهو يجي رقيق ، و اشري ابرة رقيقة ثاني...

و للتزين شرائط الساتان و الورود

نجو للطريقة

مثلا نختار لونين ابيض و موف كيما اللي خدمتو

ابداي بالعقاشة البيضة و احكمي الخيط عليها مليح باش ما يتحلش و زيدي وحدة موف و حدة بيضة و وحدة موف و وحدة بيضة يكونوا 5 عقاشات ...

و من بعد ديري 3 موف و وحدة بيضة و 3 موف و وحدة بيضة و 4 موف و وحدة بيضة و 4 موف و وحدة بيضة و 5 موف و وحدة بيضة و و5 موف و 1 بيضة و 6 موف و 1 بيضة و 7 موف و وحدة بيضة و من بعد 5 موف هاك نكونوا كملنا السطر الاول و ظرك نرجعو
شوفو الصور ظرك تفهموا

الادوات المستعملة





هنا كي نجو راجعين عند الخمسة هاذوك ندخلوا في اول عقاشة بيضة تكون لدينا دائرة









نجو للسطر الثاني نرجعوا بالعكس نديروا 7 عقاشات موف و وحدة بيضة و6 عقاشات موف و ندخلوا في العقاشة البيضة الثالثة



و نكملوا هاك






















و نجو للسطر الثالث



و نكملوا كيما السطر الاول








طريقة القفل




























و اسعار السلع هي 60 دينار ل 100 غرام للعقاش و الخيط ب 25 دينار و الابرة ب 3 دينار تخدملك 2 مفارش

و الاما فهمتوش ....................... خدموا ريسانكم - ابتسامة- طبعا سقسوني و انا نفهمكم و نظن الشرح راهو وافي و زيدو ديروا في قوقل ايماج طريقة صنع مفارش الخرز يخرجولكم بزاف انواع المفارش...

دمتم طيبين

allah yabrak ya3ték saha okhti kaffitiw waffiti nchlh kima nachri had liyamat rani m7arka rani nachri w nakhdam wbrabbi wna3tlk w rabbi y3aychak