[غيداق]

السلام عليكم ورحمة الله ك
اختي هذي هي الوصفة الي نعتامدها هزيتها من المنتدى ولكني للاسف لا اتذكر صاحبتها المهم جزاها الله كل خير خرجتلي رائعة وبنينة لوكان ما تحكميش روحك تاكلي كامل الحبات في دقيقة :

المقادير :-2 بيض
-2 مغارف فرينة
-4 مغارف نشاء
-نص كاس حليب
-شوية فاني
وأنا زدت من عندي ملعقة قهوة خميرة الحلوى
تخلطي جميع المقادير تظربي مليح لازم ماتبقاش التكتلات حتان تتحصلي على خليط سائل شوية كثيف
حطي الزيت وخليها تسخن مليح وفي نفس الوقت حطي الطابع يسخن مع الزيت لازم يسخن مليح وانتي لازم تكوني صبورة وما تتسرعيش خاصة في الحبات الاولى بعد ما يسخن الطابع أغطسيه في السائل ورجعيه للمقلاة وماتخليهش يقيس القاع وابقاي شادة فيه حتان تنفصل العجينة على الطابع واذا بقات لاصقة في احد الجوانب استعيني بسكين لازالتها عن الطابع واتركيها تاخذ اللون الذهبي الفاتح ثم قدميها بالصحة والهنا
هذا اذا ما كليتيش الكمية توال الطبونة ههههههههههههههههههههههه
موفقة اتي