[fella food art]

المثوم خطوة خطوة

السلام عليكم
درت المثوم بيض بالزيتون طبق تقليدي جزائري ان شاء الله يعجبكم
هادي الخطرة بدلت الستيل درت ستيل عروبي علاش دايما نقلدو الغرب امالا جاتني فكرة ندير thème عروبي

المقادير

*راس ثوم كبير
*لحم مفروم
*فلفل اسود
*كمون
*ملح
*1ملعقة.ك زبدة
*2ملاعق.ك زيت
*1حبة بيض
*شوية la chapelure
*زيتون خضر بلا نواة
*بطاطة مقلية للتزيين

طريقة التحضير

قشري الثوم و سكرفجيها في السكرفاج من الجهة الخشينة باش تبقى بنة التوم من بعد ديري نص في اللحم و نص في التقلية من بعد ديري الكمون و الفلفل اسود و الملح حسب الرغبة في اللحم و في التقلية واش ديري في اللحم ديري في التقلية


في التقلية ديري الزبدة مع الزيت و les épice و كي يتقلاوديري شوية الماء


و في اللحم بعد ماديري الثوم و les épice ديري حبة بيض و خلطي من بعد ديري شوية la chapelure و خلطي مليح



من بعد ديري كويرات باللحم كل كورة ديري داخلها حبة زيتونة


من بعد ارميهم في التقلية تكون تغلي

من بعد قطعي الزيتون لي بقالك علا2 و ارميه في التقلية



كي يبدا يغلي نقصو للفرن و خليه يطيب حتى يشرب ماشي كامل ميلزمش يجي ناشف يجي بالمرقة الله الله مممممممممم انا هادا طبق المفضل ليا علا هاديك درتو
كي يولي هكدا طفيولو
يتقدم مع بطاطة مقلية

و شهية طيبة......... ان شاء الله يعجبكم و تصوتولي ههههههههه

تقدري ديريه حمر تزيديلو العكري و الدرسة و شوية هريسة و الحميصة

قطعت البطاطة بهاد الموس