[كاميلا]

في هاد الزمان الزواج المبكر = طلاق واشمن جيل نهدره عليه الا من رحم ربي نهار كامل وهوما برا وفي الشوارع وفي الحدائق تقولي هاذو يتحملوا المسؤولية نقولك موحال لازم شوية يتمرمدوه في الدنيا باش تتربى عندهم المسؤولية
ومن يقل لي نزوج باش نحمي روحي من الحرام يا ولدي نهار تزوج وانت 00 في الحياة داك النهار زيد دير اكثر من الحرام تشرد عايلتك وتعقد ولادك وتشيط مرتك ارواح قولي نعف نفسي سامحوني على العبارة زواج الانسان ماشي هو زواج الحيوان الزواج مسؤولية قبل اي شيء يعني يزوج اللي يكون يحقله الزواج فاهم واش عليه واش ليه عارف حقوقه وواجباته
فاذا هدفك العفة من الحرام فانصحك بالصوم احسن لك من ان تخرج لنا ذرية ما يعلم بيها ربي وخاصة الي يطلقه ولادهم للشارع باش يعلمهم ومن بعد يوليو ماشيين في الطريق الخطأ والله والوالدين يتحاسبه اشد الحساب كاينة واحد العقلية عند بعض الاباء كي راه انجب اولاده خلاص هو ما فقط اللي عليهم واجبات وبيهم يدخله الجنة هذا صحيح بوالديك تدخل الجنة بصح الابناء امانة لديك تتحاسب عليها اشد الحساب كي متربيهاش ومتعلماش
ارأيتم عظم المسؤولية كاين وحايد يقوله الام هي اللي تربي لا والف لا في زوج يربيو الام تربي والاب يرسخ التربية في الاولاد الاولاد لازم يحسبه الف حساب للاب لانه هو ههههه اللي يخوف اكثر من الام حنونة ههه
الزواج في الاخير استطيع تشبيهه بالمشروع ان لم تكن ملم بدراسة الحقوق والواجبات والمهام في هذا المشروع فحتما تعرض نفسك للخسارة
اذا ليس هنالك سن معين للزواج في رأيي لكن بالرغم من ذلك خير الامور اوسطها خاصة في العمر
تقبل مروري