سلام عليكم و رحمة الله و بركاته هدا أول موضوع ليا في قسم الطبخ هدا جربتو البارح لاول مرة موالفة نشريه مي قلت نجرب و نشوف ادا جا شباب نديرو و حدي و خلاص اعتذر عن رداءة الصور المقادير التوابل ديري جوزة الطيب, قرنفل , سكنجبير بودر و قرفة نأخذ العسل من الاحسن تاع سان فرانسيسكو نزيدولو زوج مغارف كبار ما ساخن و نحلوه مليح ثم نبداو نزيدو فالفرينة غير بالشوية و نخلط بالسباتول ثم نزيد مغرف صغيرة بيكاربونات و الخمارة على جيهة نضرب البيض مع السكر مليح ثم نضيفهم على خليط الفرينة و العسل و نخلط مليح نزيد قشور البرتقال و الليمون نورمالمو زوج مغارف كبار التوابل ( ملاحظة ما تكثروش القرنفل و جوزة الطيب وانما كترو سكنجبير و القرفة أنا درت تقريبا مقادير متساوية و مع هدا جا القرنفل باين شوية) نفرغو الخليط في مول آ كيك مدهون و ندخلوه لفرن يكون مسخن مليح قبل لمدة 40 دقيقة على درجة 190° نخلوه يبرد تم نحوه من المول ان شاء الله يعجبكم و تجربوه