اهلا اخي حمزة
والله يا اخي ارفع لك قبعتي على مثابرتك وشجاعتك وحبك للنجاح
"نقلبوها دارجة ذركا"
شوف يا خويا نتا راك تبان من ذرك وراني قلتهالك بلي "نااااااااااجح وربي كبير"ان شاء الله
لانو هاذ الهدرة ماتخرجش من واحد يتمسخر ولكن من واحد حاب ينجح من قلبو
وصدقني يا خويا مادام راك تخمم في يماك وحاب تفرحها والله ربي ماراح يخيبك خلااااااااااااااص
خصوصا بدعاوي يماك دعاوي الخير
انا للاسف علمية مانيش ادبية وتالي راني والله عاونتك ووالله ماكنت نبخلك
شوف الباك راهو حاجة تاااااااااااااااااااااافهة جدا ومانيش نبالغ خلااااااااااص لانو العام الجاي كي تطلع للجامعة ان شاء الله
راح تعرف هاذ الشي وحدك وتعود تضحك على روحك
وماتقولش بلي صعيبةلانو حاجة ماراهي صعيبة علينا رانا غير حنا اللي نثبطو فالعزائم تاعنا بالكلام هاذا
نتا حاول تقرا برك وادعي ربي وقول للوالدة تدعيلك ودير القلب وماتخافش نااااجح باذن الله
شوف يا خويا نتا شوف روحك في واه ناقص برك وحط هنا ذرك نحاولو نساعدوك كااامل
وواحد ماراح يبخلك
حاول برك تراجع مليييح وثاني كاين حاجة نقدرو نقولو عليه كنز ولكن اكثر الطلاب واحد ماعارف قيمتو
وهو"مواد الحفظ" يااودي مادام الحفظ ساهل غير تكرار تكرار تكرار ونتا حفظت ....احفظ علاه تبخل روحك؟؟
نوض الصباح شوية بكري واحفظ كل يوم حاجة قبل الباك تلقى روحك كملت كلشي وحتى ولو بديت حفاظة ذركا راح تكمل فالوقت
اظمن النقاط فالحفظ باش على الاقل تعوض شوية المواد اللي ماتفهمش فيهم هذا من ناحية
اما كيفاش تكتب فقكرة راهي ساهلة خلااااااص
شوف فالفرنسية عندكم compt rendu؟؟؟ ولالا؟؟
اذا عندكم راني درت موضوع كيفاه تكتب فقرة راهم في مواضيعي اصبر ذرك نحطلك الرابط
اما الانجليزية الفقرة تاعها حتى هي سااهلة خلاااااص
عليك واش دير؟؟ كل وحدة عندها عنوان "اذاكان كيمة حنا"
دير في ورقة الافكار الاساسية ولخصهم برك واحفظهم من بعد زيدلهم شوية من النص اذا كان عندو نفس العلاقة
ونتا كتبت فقرة "هاذي من بعد نرجع"
واي استفسار راني هنا نحاول نعاونك
واسفة على قلة خبرتي فالشعبة تاعكم لانو علمية كيمة قلتلك
وزيد راهو ذرك يدخل لكحل بلال راهو ادبي وان شاء الله يساعدك بخبرتو وشوف مواضيعو للعام الماضي
وبربي راك ناااجح وكيمة تحب ثاني والله دعيتلك من قلبي
سلاموو
اختك زينب