[عبير ريمة]

المشاركة الأصلية كتبت بواسطة panpouna

انا ندير فنجال فريك(ل5 اشخاص) ونكثر الخضرة باش ما تجيش ثقيلة على ليستومة درك نعطيك طريقتي حبة بصل متوسطة ولا كبيرة تقليها مع اللحم والملح+فلفل+شوية قرفة نتاع العود+راس حانوت مبعد نزيد حبة قليلشة متوسطة وحبة بطاطا متوسطة وحبة زرودية متوسطة+قصبر+شوية نعناع يابس ولا خضر و حبة طماطيش متوسطة تاني قليهم مليح مبعد زيدي بول نتاع شربة ما سخون مخلط مع مغرف ونص طماطيش مصبرة تاني خليهم يتقلاو مليح ومرقي ب 1.5م سخون وكي تطيب الخضرة ارحيها وديري فنجال قهوة فريك مغسول وخليها حتى يطيب الفريك وادا جاتك ثقيلة بزاف زيدي شوية ما سخون ما تكتريش

اختي العزيزة لك مني اجمل التحايا، هاذ الطريقة نتاعك راهي نتاع حريرة ميش شربة او جاري فريك لانو الاصل انك ماديريش فيه الخضر غير البصلة و الطماطم و الثوم و الكرفس و يتشبح في الاخير بالدبشة أو شوية نعناع يابس ترحيه غير بين يديك ، و كاين ناس عنابة يزيدو في الجاري كمشة حمص و تقدري ديري فيه les boulettes نتاع اللحم المرحي و الاحسن يكون غنمي ، لأن الجاري فريك = لحم لخروف لا غير من ناحية البنة.