جايينك جاراتك يشربو عندك الاتاي وماعندكش القاطو هاكوم وصفة ساهلة ماهلة تتخدم في5 دقائق وتوجد في 20 دقيقة
المقادير :
كاس سمن
كاس زيت
كاس حليب
كاس كاوكاو مهرمش ومقلي
فرينة
الطريقة :
تحطي السمن+الزيت+الحليب+الكوكاو مع بعضاهم وتخلطيهم بالباتور امبعد تزيديلهم الفرينة حتى يتجملو
امبعد اعمليهم حرابش وقطعيهم مقروطات حطيهم في السنيوة وديريهم في الفرن في درجة حرارة 150 وخليهم حتى يحمارو ونحيهم من الفرن وخليهم يبردوا امبعد عسليهم وحطيهم مع الاتاي و بالصحة والعافية اخواتي
جربوها ورجعولي بالخبر
