اختي نقولك ؟
ارضاء الناس غاية لا تدرك
لا خدمتي يقولو خلات راجلها يطايش ولا قعدتي يقولو دفنت روحها
ديري الحاجة اللي راكي مقتنعة بيها خاصة انها الصحيحة ومكانش قد قعاد المرا في بيتها معززة مكرمة وراجلك مهوش يصدق عليك هدا حقك عطاهولك ربي يصرف عليك متشوفيش ليهم ام باينين جاهلين
قال الله تعالى وقرن في بيوتكن ولا تبرجن تبرج الجاهلية الأولى
يعني هوما يعرفو خير من ربي سبحانو؟ ولا حاطين رواحهم فايقين كثر من ربي سبحانو ؟؟
ربي اعلم بالحاجة المناسبة للمراة
وزيد هاكي خدمتي ومن بعد؟ راكي في الدار بيان واحد ميقلقك ديري واش تبغاي يعني راكي في حرية وزيد نقولك بالاك راهم حاسدينك عليها باغيينك تخرجي تخدمي
اما راجلك فسايسيه واحد ماهو كامل الكمال لله حاولي ترضيه وحاولي متقلقيهش واحمدي ربي على نعمة الزوج بنات خرين راهم يتمناو يزوجو