[Buffalo]

السلام عليكم . انا كنت في نفس الوضعية تاعك ..

ما سجلتش مع اللول و ما درتش لافيسيت تاع 19 سنة .

المهم كي كملت الدراسة و تخرجت بليسانس . رحت لعندهم باش ندير سورسي بحكم اني كنت محتاج لسورسي باش نوجد الدوسيات . دفعتلهم الشهادة و اعطاوني ارجاء تاع 5 اشهر و قالولي نهار يخلاصلك السورسي تجيك لوردابال .

المهم بما انك تدرس و ماشي مسجل ما يبعتولكش حتى و تكمل دراستك ما يبعتولكش لانهم عارفين انك راح تجي ليهم وحدك لانك تحتاج للبطاقة او لارجاء ،

انا تاخد رايي ما تروحش ليهم و ما تعملش السورسي في حالة ما ادا ماراكش تحتاجو لانو لو تعمل السورسي راح تجيك لوردابال مباشرة بعدما يخلاصلك السورسي حتى و كنت تقرا و هادا يتحسب ضدك ، لان بعد ما تكمل الدراسية ما تقدرش تدير ارجاء بالشهادة ( هادي صرات لواحد قدامي ما حبوش يعطولو سورسي و دفع الشهادة .. لانو بعتولو من قبل , و انا ماكنتش مسجل و دفت الشهادة و اعطاوني السورسي عادي .
كمل قرايتك و كي تتخرج ان شاء الله . دير سورسي بالشهادة . لحتى يخلاص و تروح تجوزهم و لا صدقتلك في كاش درك و لا شرطة و لا جمارك و لا حماية هنا يعني اناك ما تجوزش العامين

بالتوفيق .