المقادير:
- كاس سكر + كاس زيت + كاس حليب + وحدة خمارة نوارة + 4 بيض + 1 ليمون + غرفية كبيرة سميد غليض
التحضير:
حطي البيض وسكر مع بعض وضربيهم بالباتار لازم تخلطيهم مليح حتى يذوب السكر ومبعدا قعدي تضيفي الزيت بشوية وقعدي غير تخلطي بالباتار ومبعدا عصري اليمونة وصفي العصير نتاعها ثم اضيفيه على الخليط وكذلك قشور الليمونة اضيفيهم في الخليط وقعدي غير تضربي فلخليط بالباتر ثم اضيفي الحليب ثم قعدي تحطي بشوية فالسميد حتى لي تكمليه واخيرا ديري وحدا خمارة وخلطيهم بالمغرف ثم اتركي الخليط على جنب وقعدي تعملي في الشاربات
طريقة تحضير الشاربات :
2 غرافا صغار عبري بيهم الماء حطيه يغلي ومبعد ما يغلي الماء اضيفي غرفية صغيرة سكر ثم حطي عود قرفة معاهم وخليهم يطيبو مين طيب الشاربات حطي مغرفة عسل فيها
-وبعدا روحي دحني البلا بازبدة ثم فرغي الخليط فيه بعد ما شعلتي الفرن وخليتيه يسخن ثم حطي البال فل الفرن وخليها الطيب وبعدا مين الطيب شرطي الحلوة من الفوق ثم سقيها با الشاربات ولكن قسمي الشاربات على نص النص سقي بيه والنص خليه مبعدا وعودي سقي بيه مرة اخرة بعد ربع ساعة وتركي الحلوة ومبعد ساعة مين الحلوة تشرب مليح الشاربات قسميها وحطيها .
و شهية طيبة
ملاحظة:
مين تشرطي الحلوة ملازمش تضغطي على السكين باش متتخصرش الحلوة