أولادي و الله ما يكلوه بالصح بهذي الطريقة ياكلوه و أنا شخصيا هذي طريقتي المفضلة و هي كيما تطيبي طاجين زيتون مع أي نوع لحم تحبي و الكثرة و الله ما ندير اللحم باه ما نزوخش عليك من الأحسن طبعا مع الجزر نظن تعرفي الطريقة ، المهم في الأخير ما تخليهش يطيب بزاف بزاف، بالملعقة ارفدي هذوك القطع بالعقل خليهم يبردوا ، مرمديهم في الفرينة ثم في البيض المخفوق قليلا و اقليهم في الزيت و إذا حبيتي من بعد البيض عاودي مرمديهم في لا شابلير chaplure قبل ما تقلي، حطيهم على حواف دائرة الصحن و في الوسط ديري هذيك لا صوص البيضاء اللي يكون فيه الجزر و الزيتون و بلا ما نقولك قطعي شوي معدنوس، صدقيني البنة و الشكل و الله انشاء الله ما تندمي. و أي استفسار راني هنا.