[كاميلا]

السلام عليكم
الشيء اللي نقدر نقوله في هذا الموضوع انه صراع الكنة والعجوزة مستمر ومرحش يخلص مي مفهمتش برك علاش لعجوزة تغير على وليدها ودير الحماة وعلى بنتها مديرش نفس الشيء؟ ههههه
هو انا قلت سابقا اس المشاكل عموما وليس بين الكنة والعجوزة فقط هو التدخل في شؤون الغير تلقى الكنة لما تروح او تسكن في دار عجوزتها تحط روحا هي الكل في الكل وممكن حتى تداخل في مسائل بين الاخوة والورث الخ
والعكس تجد لعجوزة تحرش روحا في اشياء راهي بين الكنة وولدها ممكن تجي لدارها وتحب تتحكم فيها او تحب تفرض عليها اشياء
ومشكل آخر كاين في الراجل اللي عندروحوا طبيخ امه وشغلها مكانش كيفه وديما يدير مقارنات يا ولدي هادي ماهيش تومية تاع يماك هههه هذا شيء ماشي مليح
هو احسن حل لا هاديك تدخل روحا في الاخرة والا الاخرى تتدخل في الاخرى كل وحدة عندها مكانتها ولازم كل وحدة تحطها في بالها وزيد العجوزة لازم تعرف ان هذه الكنة راهي بنت ناس وماش جايبتها خدامة او ما شابه ذلك لازم تتقي ربي فيها
والكنة لازم تحط في راسها ان هذه العجوزة لازم وليدها يحترمها ويبرها وميغلطش فيها على جالتها هي ومن المستحسن تحطها في الثقيل تحطها كي جداتها كاش ههه وتحثه على برها باش ولادهم يجيوهم ملاح وبارين