[soso sirin]

المشاركة الأصلية كتبت بواسطة جمونةالمحبوبة

بسم الله الرحمن الرحيم جزاك الله خيرا اختي على هذا الموضوع يحضرني قول ابن عطاء الله الاسكندراني:" مادمت تعيش في هذه الدار فلا تستغرب وقوع الاكدار" في هذ الوقت الثقة قليل وين تحطيها كي لا تنخدعي و المشكل ليس في الخداع بالأقنعة وانما الخداع لاكثر من مرة

صح وقتنا ولا صعيب و لا مانظلموش الوقت لانو هو هو قبل قرن و بعد قرن المشكل في الناس الي تبدلت بزاف و صعابت من كثرة الانسان والف لبس الاقنعة ولا يقدر يكذب على روحو.ربي يجيب الخير

المشاركة الأصلية كتبت بواسطة nibrasse76

الوالد ربي يخليه دائما يقول لي : لا تحكم على اي شخص انه ناس ملاح ...الا اذا مات وهو كذلك .

يعني ان اي انسان معرض للزلل والخطأ ولو في اخر حياته ...لكن المشكل الاخطر الذي نعاني منه نحن انفسنا هو ان نتصور ان فلان الفلاني ملائكة لا يخطئ ابدا ...هذا اكبر ظلم قد نسلطه على غيرنا .....ثم يرتد لينعكس علينا نحن بالشك وخيبة الامل والانتكاسة ....انا ارى هذا النمط من التفكير فيه الكثير من السذاجة واللاواقعية .

شوف هي مرات حنا نتمسخرو برواحنا لانو نديرو لشي اشخاص الصورة المثالية و انهم مايغلطوش كامل مي هاذي مكانش منها لانو اذا الانسان في حد ذاتو يغلط امالا كيفاه شخص وخدخر.كيما يقولو احسن حل نخلو اي انسان من غير ضنون مانحسبوه ملاك مانحسبوه شيطان و نشوفوه كيما هو نيشان باه مانظلمو رواحنا مانظلموه هو.مانقدروش نقولو عليه انو تفكير ساذج لانو كاين ناس كي توصل عندهم ماتقدرش ماتصدقهمش علا هكا يكون الالم كبير بزاف لما يسقط القناع .ربي يخليك الوالد و يحفظو ان شاء الله

المشاركة الأصلية كتبت بواسطة السي محمد

طاح راح عندي

ماشي كامل الناس يقدرو يطيحو و نخلوهم يروحو بالساهل لانو يكونو شغلو مساحة كبيرة من عقولنا و قلوبنا و هنا وين المشكل يكون كبير و الالم يكون لا يحتمل و كاين ناس تحس بلي ماتقدرش تعيش بلا بيهم حتى انك تعرف بلي هذاك قناع ماشي الاصل و تقول معليش و هذا قمة الغباء للاسف.

المشاركة الأصلية كتبت بواسطة lydia istanboul

والله يا حبيبتي وسيلة لو كانت على الأقنعة و أصحابها ويكونو عاقلين فالأمر مقبول,,,,,,,,,,ولكن الأمر المقيت والمستفز أنهم يتفلسفون وينتقدون ويفتون علينا ,,,,,,,لا أدري هل يحسبوننا أغبياء أم ماذا؟ كاين مثل لا اتذكره بحذافيره,.المعنى هم ماهرون بالكذب ونحن أمهر في التمثيل أننا نصدقهم,,,,,,,

واش راكي يا لالة سمحيلي البارح لاكون كانت كارثة حتى مع الليل باه ولات مليحة حتا شكيت بلي قطعوها قبل الوقت ههههههههههههه.الله غالب انفصالات الجزائر و تحلى الحياة .مرات يا تركية اختي والله تحسي روحك غبية لانو تكذبي على روحك و تبينيلهم بلي راكي مصدقتهم و منبعد ماتعرفي شكون الي راه لابس و قناع و يكذب هوما لانهم راهم يكذبو و لا انتي لانو راكي مصدقة.الهبال نيشان هههههههه.ربي يخلينا دايمن اصلي و نلقاو غير الناس الاصليين برك.ربي يهدينا ان شاء الله