نــصيحة لـوجه اللـه ما تربطيش حــياتك و ســعادك بــفارس أحـــلام يــنتشلك من الوحدة أو النقص لي عشتيه و ما تنتظريش زوج مثالي و حياة مثالية لأنو باختصار الكمال لله وحده
هــكذا راح تنصدمي بالواقع أكثر ثم الى متى الانتظار الله أعلم ممكن اليوم ممكن غد أو بعد غد
على العكس ابحثي على ذاتك و واش حابة و وين ممكن تلقاي روحك و راحتك تثقفي في دينك و دنياك طالعي أكثر و أكثر تقربي من ربي سبحانو ... و مع الدعاء خلي فارس الاحلام يجي يكمل سعادتك ماشي تتوقف الحياة حتى يجي هو ينقضك
و ديري في بالك راكي رايحة تعيشي معاه ماشي يعيشك يعني حتى انت لازم تكوني أقوى و تكون حياة متبادلة
كوني واقعية وابحثي على شيئ داخلك يخرجك من اللي انت فيه و خلي الحياة ماشية ما تحسبيش كثير للمستقبل و ان شاء الله راح يجيك المتقي اللي يزين حياتك و ينورها ...
و ســـلام