السلام عليكم ورحمة الله وبركاته
المقادير
500 غ مارغرين اوزبدة الفويتاج
عجينة الكرواسون
كريمة اللوز فيها
100غ لوز رقيق
100 غ سكر
50 غ زبدة
مغرف قهوة فانيلا
حبة بيض متوسطة
20غ فرينة
كريمة الباتيسري فيها 0.5 لتر حليب 3 صفار بيض 50غ مايزينة 130غ سكر 50 الى100غ مارغرين
مشماش مصبر
طريقة تحضير العجينة كما الكرواسون راني شرحتها في موضوع الكرواسون والبوتي بان
https://www.djelfa.info/vb/showthread.php?t=1151151
كريمة اللوز نحضروها بهاد الطريقة نخدم ملح المارغرين مع السكر ومنبعد نضيف البيض ومنبعد نكملو باقي المواد الجافة
بالنسبة لكريمة الباتيسري نسخن الحليب ومنبعد نخلط في وعاء المايزينة صفار البيض والسكر منبعد نفرغ الحليب الدافيء ونخلط بمغرف حطب ولا فوي تع اليد منبعد نرجعو الخليط فوق النار ونحركو حتى تخثار شوية الكريمة نحوها من النار نبقاو نخلطو ونديرو المارغرين نقدرو نعطروها كما نحبو
منبعد ناخدو مربع تع 9سم في 9سم ولا دائرة كل واحد المول تاعو نعمرو المول بالمربعات ونديرو كريمة اللوز ولا كريمة الباتيسري + نصف حبة مشماش منبعد نقفلو عليهم وبقايا العجينة نزينو بيهم منبعد نديرو لادورور بيضة+ قرصة ملح ونخليوهم يطلعو كاش ساعة ولا اكتر حتى يزيد الحجم نتاعهم وطريقة التحضير موضحة في الصور ونديروهم في فرن مسخن 200 درجة كي يطيبو ويبردو نديرو لاجولي من فوق ونزين بالبيستاج ولا لوز وسكر قلاص
شهية طيبة