السلام عليكم اختي
اولا كلشي مبروك زواج الهناء ان شاء الله
المنتدى راه مليان وصفات مش غير وصفاتي اللي تخحوسي عليها تلقايها
اول نصيحة اختي
احبي المطبخ ما تخدميش من فوق القلب
اتقني كل شيء وكل مرحلة اعطيها حقها
حذاري من التطبيق الاعمى للوصفة لازم تدخلي نفسك وشخصيتك وتذوقي وتعدلي
المرق باه يجيك خاثر وبنين لازم تحمصي اللحم او الدجاجا مع البصل والزيت والثوم والملح والتوابل مليح وعلى نار هادية وما تكثريش الماء ولازم يكون عندك ذوق في التوابل
انا توابلي اللي نستعملها تختلف من طبق لاخر شوفي في الدروس تلاحظي اما العامة هي فلفل اسود كسبر فلفل احمرحار افاح كمون
اختي ابداي درجة درجة وكي تفشلي ما تياسيش حاولي مرة ومرة حتى توصلي
بالتوفيق