السلام عليكم
ختي لعزيزة مكانش انسان مايغلطش ومشي عيب كي نغلطوا العيب كي مانعترفوش بغلطتنا راكي في مرحلة صعيبة بزاف لي هي المراهقة وراح تتجاوزيها ان شاء الله وتنسي كلشي وصدقيني رايحة تندمي على لوقت لي ضيعتي فيه قرايتك على جال انسان مايستاهلش وراني نهدر معاك هكا لاخطر راكي كيما ختي الصغيرة ونصيحتي ليك بعدي على هذا الانسان بغا يحكي مع واحدة ولاعشرة خليك منه ولهاي في قرايتك برك خلي عندك هدف واحد لي هو قرايتك ونسيان نعمة ومع الوقت تنساي كلشي صدقيني وغدوى تلحقي عمر 21 ولا22 تتفكري كلامي والوقت يفوت يجري استغلي وقتك في قرايتك وتقربي من ربي وكثري من الدعاء وتشوفي كيفاش رايحة تنسي وتتبدل حياتك والحب مكانش منه الحب تاع الصح يجي مورا الزواج وماتخليش واحد مايسوى والوا يهبطلك راسك وياثرلك على حياتك والديك دايريين فيك ثقة كبيرة لازم ماتخسريش ثقتهم وتحافظي على سمعتك عمبالك البنت معندها غير سمعتها وشرفها الراجل مراهوا خاسر والوا الراجل يبقى راجل بصح البنت وكان يحكي هذا الانسان لواحد يعرفك ولاواحد يشوفك غي واقفة معاه يدي عليك نظرة مشي مليحة وناس لي كانوا محترمينك طيحي من عينيهم وتبقى الهدرة عليك حتى تكبري وتعرفي هدرة ناس واعرة وماتكملش ماتخليش عباد مايسوا والوا يحكوا عليك وديريني في بلاصة ختك لكبيرة ودي من كلامي ماتعمريش عقلك وقلبك بأي واحد مكانش لي يستاهل تبكي عليه وعشي عمرك ضحكي وديما تفائلي وتعلمي من تجربتك بلي الحب مكانش منه وماتهبطيش نيفك لحتى واحد وربي ينجحك ويحفظك ويفرحك