حتى انا زدت في الوزن بزاف بعد الانجاب والصراحة مانيش مقلقة منها ومانيش حابة نريجم هاد الساعة ههههههههههه
المهم نوصيك انك تحوسي على ريجيم مليح فيه كل المواد الغدائية يعني ماتحرميش نفسك من حاجة على خاطر ممكن تحرمي نفسك من السكريات مثلا وتنقصي وكلش بصح بعدما تولي تاكلي عادي السكريات الجسم تاعك بعد ما كان محروم منو يخاف يزيد يتحرم منو مرة اخرى ويولي يخزن كل السكريات ومايطرح منها والو وبهذا يزيد وزنك ممكن اكثر من قبل ونفس الشي بالنسبة لباقي المواد الغدائية
ثاني حاجة هي لازم مايكونش الريجيم سريع يعني انك تنقصي 5 كيلو في الاسبوع ولا اكثر على خاطر ماهوش نقصان حقيقي للوزن وكي تحبسي تريكيبيري الوزن لي خسرتيه واكثر يعني الاضراب عن الطعام ماهوش حل ابدا
المهم ربي يوفقك في انقاص وزنك