السلام عليكم علابالي طولت عليكم و بدون اطالة هاهي طريقة الرسم باه تخدمو الشخصيات اللي تحبوها اول حاجة القلاصاج ضربي بياض بيضة مليح و زيديلو سكر قلاصي حتى يولي كثيف كيما اللي نثلاصيو بيه المخبز ترسمي اللي تحبي في ورقة و تحطي فوقها ورقة بلاستيكية شفافة اخدي اقماع بالورق العادي تلوني القلاصاج بالالوان اللي تحتاجيها تعمري الاقماع و تبداي فالحدود حتى تكمليها كامل و حطيها تنشف ساعة او اكثر من بعد عمري باللون اللي تحبي لاحظو ما اهتميتش بالحدود لاني رايحة نحط الجهة اللي تحت راني قلبتهالكم باه تشوفو مليح الشكل النهائي مازال ما نشفتش كي تنشف تتنح بسهولة و تقلبوها و تحطوها فوق الطورطة نتمنى تكونو فهمتو الطريقة و كاش سؤال طبعا راني فالخدمة نطلب برك من كل وحدة تدخل تدعيلي بالشفاء