مساء الخير لبنات
واش همتكم وتحضيركم للورشة ان شاء الله تمام
تم تقرير ترتيب الشهر الاول للورشة كالتالي
الاسبوع الاول
الصوكات والبوندانة
مع الاخت اميرة 19
الاسبوع الثاني
نابرون كروشي
مع الاخت ليلى الجزائرية
الاسبوع الثالث
قفازات مع الاخت ندية الجوري
الاسبوع الرابع
صدر الكروشي الوردي
مع الاخت اميرة 79
وهذا الترتيب جاء لعدة اسباب وهي كالتالي
الصوكات اولا لانو العمل بالخيط الخشن اكثر سهولة للمبتدئات وتانيك الاخت اميرة كانت محضرة نفسها
النابرون ثانيا لان الاخت ليلى قد قامت بتحضير الدرس وكذا ليكون تناوب في الاعمال يعني من الملابس للزينة المنزلية كل مرة عمل مختلف ونتعلمو كل الافكار
قفازات الكروشي لانها ستكون نفس الخيط للصوكات وتقدر تتلبس في المنزل ونحنا نخدمو بالكمبيوتر وتانا تحمينا من البرد تكون بعد الناب حتى نرجعو نكملو السيري تتكون من صوكات وبوندانة وقفازات
صدر الكروشي يترك لاخر مرحلة لانو العمل عليه ياخذ وقت ومالازمش نزربو اختنا اميرة وتانا كاين بعض الاخوات مازالو حاصلين مع صدور قدم من الورشات لي فاتو ماذابينا يكملوهم ويلحقو لهاذ الصدر
وبهذا نكملو ان شاء الله الشهر الاول من العمل ونتعلمو مختلف الاعمال باذن الله
اذا كان اي اقتراح او تغيير اتمنى تفيدوني بيه
اما عن الاستاذتين كرونو وميميشا يشوفولنا واش يقدرو يديرو ويخبروني
تحياتي للجميع