وعليكم السلام ورحمة الله
بالنسبة ليا اول حاجة لازم تلتحقي بدروس الدعم يعني ليكور لانهم مفيدين بزاف خاصة انك متقدريش تحضري الدروس في الثانوية
ولازم تنظمي وقتك مليح واكيد بواش يخرج عليك ويساعدك ( انا دايرة برنامج لاحقا نحطولك بالاك يعجبك )
عليك ايضا بحل التمارين خاصة تاع الكتب المدرسبة لانو اكيد رايح يكون عندك وقت كافي على عكس النظاميين هدي نصيحة شخصية
وزيدي اقراي تاني من بعض المراجع ( اذا حبيتي نحطلك اسماء المراجع اللي راني نقرى بيهم )
انصحك ايضا بالحفظ منذ الان والاستمرار بالمراجعة يعني كيما تحفظي مرة على مرة راجعي باش ما تنسايش
وبالنسبة للمواد باش تبداي بالنسبة ليا حاولي تكوني مع تاع الليسي في الدروس واذا ما ساعدكش الحال ابداي باش حبيتي المهم تكوني منظمة وقتك وما تخلي حتى مادة وتقولي لمبعد راني نقراها مثلا العربية والفلسفة وغيرها اقراي كلش من البداية وبالشوية برك
وان شاء الله ربي يوفقك ويوفقنا كامل
واذا حبيتي تسقسي على كاش حاجة اخرى .. انا في الخدمة ههه
سلام