راني نشوف بلي النقاش عقيم و ما عطيتولوش الاهمية اللي لازم تعطوهالو ...لازم تناقشوه من ناحية جدية و موضوعية ما شي اللي قلبو معمر على النسا اللي يخدمو علاجال هوا ما لقاش الخدمة يجي يفرغو هنا .... و المفروض كل واحد يحتارم راي الاخرين و يناقشو ماشي يستهزا بيه و يضحك عليه .....المرا كي خرجت تخدم ماشي باش تفرض رايها ولا باش تتحكم في الراجل بلعكس باش تعاونو و توقف معاه و تربي ولادها باه ما يخصهم والو قدام نتاجهم و كل وحدة حابا تعيشهم خيرمن كيما عاشت هي ....و الرجل عندو الاختيار يقبل بيها او لا بلا ما يهدر عليها كلام غير مهذب واجب علينا نحتارمو بعضانا ....و ما لازمش نجملو لانو شحال من مرا تخدم علاجال مات راجلها ولا طلقها و لازم تصرف على ولادها و كي هيا مرا فحلا قررت تدي طريق لحلال و شحال من مرا تخدم باش تعاون والديها و توقف معاهم ...و شحال من مرا تخدم باش تجهز روحها لانو والديها ضروفه ما تساعدهمش .....و زيد نصف النسا عندنا يخدمو خدمات محترمة بقرايتهم ....و اللي ما يتزوجش بالخدامة لازم يقاطعها في كلش يعني ما يداوي عندها ،ما يقرا عندها ما يفري صوالحو في البيروات اللي تخدم فيهم .....المرا الخدامة بالنسبة ليا تستاهل الاحترام منكم على الاقل ......و احتراماتي لكل اراءكم