[*قطر الندى*]

وأعلمي أن زوجك يبحث عن زوجة مرحة مبتسمة وغير معقدة أو عابسة الوجه وأعلمي أن الزوجة المرحة السعيدة هي التي تجيد صنع السعادة الزوجية...
هذي هي تقولي لمرأة موجودة على جال خدمة الرجل هاذا ماكان واش حاسبين النساء وسيلة باش تقضيلكم مصلحتكم ؟؟؟؟؟؟؟؟؟
يا أخي المشكل الكبير في كره النساء للرجال إذا كان هذا موجود هو عدم الثقة فالمرأة تنتظر من شريك حياتها أن يثبت أنه يحبها و سيخلص لها .........
و هذا شيء مستحيل في زماننا و ما تقوليش كاين لأنو مانيش نهدر على إعجاب واحد بوحدة و إستعدادو لخطبتها هاذي أمور مبدئية فقط و نراهنك يا أيوب في المستقبل إذا ما ملش منها و لقى كاش سبايب باش يقولنا ما كنتش متخيل الحياة الزوجية هاكا .....
و لوكان تتوفى مرتو ......يروح تم تم يحوس على أخرى :
- أن تفهم المرأة أن الرجل لايمكن أن يعيش بدون إمرأة – نعم لايمكن- ولذلك قال أحد الحكماء لو ماتت زوجتي اليوم ماغربت شمس غد إلا وقد تزوجت ...<<< ليس أي إمرأة ولكن المناسبة
ما تقوليش هاذي سنة الحياة .......لأنو كيما شفت من تجارب معاشة ما يفوتش عام إلا و يفكر في مرأة أخرى .........ماشي إلى هذه الدرجة؟؟؟؟؟؟اسمحلي
علاه المرأة إذا حبت واحد تكون مخلصة ليه قلبا و قالبا
أما الرجال و أسمحولي على هاذ الكلمة يشوفو فقط لغرائزهم هي اللي تمشيهم و إذا راحت هاذي تجي في بلاصتها وحدة خير منها
ما تفهمنيش غالط أنا كنت نكره الرجال في وقت مضى حتى جاني زمان و قلت معليش حتى ندير رجل المستقبل وسيلة كيما هودايرني وسيلة ......بصح ما خرجنيش هاذ التفكير ،علابالك علاه ؟؟؟؟؟لأننا نحن النساء مخلوقات بقلب نظيف إذا حب حب للأبد ......
الله غالب حتى لو تقولك وحدة نكره الرجال هذي مجرد هدرة لأنو كي يجي وقت الصح رايحا تتعامل بالأصول معلاباليش أنا نفكر هاك معلاباليش كيفاش يفكرو الآخرين!!!!!!!!!!!!!!!