موضوع مهم جدا يا اسماء خاصة راهي النسبة تاع الاطفال الغير شرعيين في تزايد مستمر مع الانحلال الاخلاقي.الطفل الغير الشرعي مجرد ضحية لكن للاسف في مجتمعنا نعتبروه هو المجرم لانو الرجل يتزوج و ينسى و يبدا حياتو المراة في احسن الحالات تعاود تتزوج و ممكن هي تاني تعاني مع الطفل هذا .حنا قاسيين بزاف و الطفل هذا ملي يولي يفهم و يستوعب و هو يتعذب من كلام الناس من نظراتهم و حتا كي مايهدروش و يجرحو.كاين الي يلقى عايلات يتكفلو بيهم مي تبقى عندهم مشاكل .و حتى كي يكبر و يحوس على ماليه ممكن ينضر لانو والديه مايقبلوهش يدخل حياتهم .شخصيا راح نقلك انو اذا تلاقيت شخص منهم راح نتعامل معاه عادي كاي شخص نعرفو .الطفل غير الشرعي يبقى يعاني حتى و يكبر سوغتو في موضوع الزواج لانو بدون مثالية المشكل ماراهش يوقف برك عندو و لا عند الطفلة راح يتبع ولادهم و كلام الناس مايرحمش.لازم الدولة تتحرك لانو الوضع راه كارثي