السلام عليكم
شوف حنيا كي كنا صغار نوضو مع فجر و نلبسو قشنا و نروحو للجامع نسناو
ولدينا باش نغفرولهم و لازم يعطيولنا العيدية والله تقول رانا نسناوهم في المطار و هما
راهم جايين من الحج اما ذوك انا ماوليتش نشوف لولاد يروحو للجامع يسناو ولديهم زمان لازم
نديرو حنا تاع العيد اكثر من مرة باش نفوخو بيها اما دوك قليل لي يديرها بصح في
وليتنا مزلت حنيا كانو عمومي لازم يجي لدرنا قبل مايروحو لدارهم باش يغفر
لنانا بصح كي توفات نانا ربي يرحمها و رحلنا ولا كل واحد يعيد وحدو
زمان كانو داخلين اكثر من خارجي اما دوك نعسو في الباب شكون
يجي بصح عيد تاع سنا كان شويا مميز عندي بنت اخي دارتلنا
جو في عيد هذا
دمتم في رعاية الله و حفظه