اسعد الله مسائكم حبيباتي
كيف احوالكم مع الخدمة نورمالمو راكم كملتو
نضت ليوم على 5.30 صليت الفجر و بقيت نقرا في القران حتان 7 تاع الصباح اكيد ما ننساش الاذكار و الاستغفار و التكبير و التهليل
انا كملت على 11 كلشي مي تعبت بزاف على خاطر براسك درت كلشي وحدي
كي نضت فرزت الحالة عن خفيف كان كلشي مفرز انا زدت كنست و مسحت الارض و عاودت فرشت الهول و سقمت الصالون
و من بعد بخرت الحالة و وجدت السيوات تاع القهوة و التاي و القازوز +القاطو
و هنا جاو خاوتي من الصلاة وقبلت عليهم ووجدت المواس لخويا و عمرت الباسينات بالماء و شعلت الريشو
وبدا خويا يذبح و من بعد بديت انا نشوط في الراس و الرجلين جاوني ساهلي في التشواط تمتم كملتهم ومن بعد رحت للكرشة و المصارن نقيتهم وكملتهم
ومن بعد قليت الكبدة و درت البولفاف و حطيتلهم فطرو بيهم
و من بعد سيقت الحالة ولات ما تسواش سورتو الكوزينة و المراح و تاي الذراري دارولي تمرجيقة من الهول للباب وليت مسحت بالنشافة و الصانيبو
و من بعد درت الغدا اللي كان قليان "الكرشة /المصارن/الكبدة/القلب / الرية /الطحال " و تاني قليت الباطاطا و شوي فلفل و طماطم و مع السلاطة و البولفاف و درت كسرة رخساس
سقمت روحلي ولبست قشي و سرحت شعري و كحلت عويناتي
و من بعد رحت قبلت على جاراتي و عمتي قريبة ليا
و من بعد تغدينا و غيلت المواعن و جيت نطل عليكم و في اليل نروح نغافر على العايلة
ربي يتقبل منا و منكم صالح الطاعات
و