من بعد تولي تكره النهار اللي زادت فيه سورتو اذا طاحت في راجل الله الله ومايخافش ربي ومواليه كيف كيف
انا ضد الزواج المبكر للبنت مازال ماشتعتش مواليها خاطرش قع اللي تزوجو ونعرفهم في صغرهم راهم نادمين خاطرش نتاجاتهم في الليس واللي في الجامعة وهم دفنو روحهم في الزواج والدراري والمشاكل
ماتقولش تعيش شبابها
هذي معيشة الشباب راهي مزالت ضغيرة طفلة 16 سنة ههه؟؟؟؟
انا مانحبش وبنتي كي تكبر ان شالله ماتتزوجش قبل ماتكمل قع قرايتها وتلقى خدمة هاذ الدنيا مافيهاش ضمان ووليدي مانخليهش يجيب واحدة نتاع 16 سنة باش تلعب في الدار ماشي تدير دار
علاش هاد الهدرة اللي ماعندها حتى معنى ؟؟؟؟؟؟؟
علاه راك شايف قع البنات وتشوف فيهم ضايعين ولا موسخة سمعتهم؟؟؟؟؟
كي تهدر اعرف كيفاش
تتوسخ سمعتها ؟؟؟؟؟؟؟؟؟؟؟؟؟ظ كي شغل قع البنات موسخة سمعتهم اللي مزال ماكتبلهمش ربي الزواج حام عليك اتقي الله فيما تكتب
الله يهدينا ويهدي قع المسلمين
ويمد لكل واحد نصيبو
السن المليحة للزواج للمراة هي 25 سنة فما فوق تكون نضجت في العقل وتعرف كيفاش تدير بيتها وتخدم شغالها على الصح ماشي 16ٍ سنة وتحير كيفاش تدير