[serine31]

سلام عليكم يالبنات كاش توجاد للعيد و لا والو
ليوم جبتلكم طريقة جديدة لتحضير الملفوف و هاد الوصفة راهي مغربية و صارلي 3 سنين ملي نستعملها
شفتها في قناة مغربية و كامل نعرفو ان الطبخ المغربي ممتاااز
حنا في عوادنا الملفوف يحضره كبير الدار سواء الأب أو الأم بعد ما نملح الكبدة و نشويها فوق المجمر و نحطلهم كلشي قدامهم و هما عليهم غير يلفوه في الشحم...

الطريقة الجديدة هي........

نأخذ الكبدة و نظفها و نقطعها طوليا و نشويها فوق النار من غير ماتتنضج كليا حتى يسهل تقطيعها



من بعد نقطعها الى مربعات على حساب الحجم لي تبغوه


و نحطها في صحن كبير و نسقيها بخليط نكون موجداته من
الزيت......الملح.......الفلفل الأكحل.......كمون.......الفلفل الأحمر....سنينات ثوم مرحي
و نخليها تتشرب الخليط علما أن الكبدة تجي ناشفة و هاد الخليط راح يطريها و مانحكيلكمش على البنة نتاعها هبااااال
نقطع الشحم ألى شرائح مستطيلة بعد مانغسله و نملحه و نشره



نحكم كل قطعة كبدة و نلاحظ انها تشربت كامل الخليط و نلفها في الشحم
و نضعها في السفافد(الأسياخ) الخشبية و لا تاع الحديد



شووها فوق المجمر و ختموها بكأس تاي طايب على الجمر
بصحتكم و أعطوني رايكم