اقتباس:
المشاركة الأصلية كتبت بواسطة soso sirin
حقوق الابناء على الاباء اولا لازم الاب يختار الام المليحة و الام لازم تختار الاب المليح ثانيا لازم يختارولو اسم مليح ماشي يسموه وخلاص حتى الطفل يولي يحشم بيه ثالثا لازم يوفرولو جو مليح ماشي يجيبوه للدنيا و يخلوه للدنيا تلعب بيه رابعا لازم يربوه مليح و تربية تكون صالحة .ماشي معنتها انا وليدك راني ملكية خاصة لالا الطفل راه امانة عند الوالدين و لازم يحافظو عليها .ممكن شي اباء يغلطو في حق ولادهم ماناش نقولو انو الاب لازم يطلب السماح من وليدو مي الطفل محتاج انو الاب يبين لوليدو انو غلط حتا و تكون بطريقة غير مباشرة مرات حنا بابا كي يزعف يقولنا ديرو الحاجة بلا نقاش و لا يكمل النقاش في الموضوع بلا مايخلينا نهدرو مي والله تتخيلي انو بعد مايفوت وقت يجي لينا و يهدر معانا و يفهمنا علاش دار هذاك الشي و يسمعنا حرية التعبير تعلمتها منو و تعلمت منو انو مانديرش الحاجة بلا مانفهمها .انا راني نشوف انو الوالدين لما كانو ماشي قاريين كانو يعرفو حقوق الاولاد كثر من الجيل المتعلم.
|
صحيح وهو كذلك اختي الكريمة بل وانه لابد ايضا عليهم تعليم وانشاء اولادهم على حفظ القران وقراءته