قبل كل شيئ شكرا لأم رامي علي المجهودات لي راهي تقوم بيها
وواليوم درت مرقت خضار وجات بنينة روعة عجبتني بزاف
نحتاج قطعتين دجاج
+كمشة زيتون اخضر
حبة بطاطة
حبة جريوات
2 بيضات
دبشة و فلفل حار مقطعين
نغسل الخضار ونقطعها علي اثنين ونرابيها
ننزع العظام من الدجاج ونرحي الدجاج ونضيقو للخضار+البيض+فلفلمقطع+دبشة مقطعة+ملح+توابل+ثوم و شويا فرينة
نشكل كريات ونرمدهم في الفرينة ونحطهم في الثلاجة
ونروحو نوجدو لا صوص
نضع في قدرة عضام الدجاج+حبة بصلة رابي+ملح+توابل+ثوم+شويا زيت+رند نقلي ثم نضيف شويا طماطم مصبرة ونمرقهم بشويا ماء
ونخليوه علي نار هادئة
نخرجو الكريات من الثلاجة و نقليوهم
نضيفهم للمرق مع كمشة الزيتون ونخلوها تطهي
انا ستعمل الحمص في مكان الزيتون مكانش عندي الزيتون
