اليوم نشارك معاكم احبتي بهذا الهمبورغر الخفيف ولي يسموه طفليا سلطع برغر لي يخدم سبونج بوب انا اولادي متعبيني في الاكل ما ياكلوش مليح لاكن كي نخدملهم همبورغر ما تصوروش شحال ياكل مقادير وطريقة الخبز++ 3 كاس فرينة + 3 ملاعق جلجلان + ملح + بيضة + نصف فنجان قهوة زيت نخلطهم مع بعض جيدا ثم نضيف الخميرة لي هي مغرفة اكل خميرة في نص كاس حليب مع مغرفة اكل سكر ونعجنها شوي ونخليها ترتاح ونحطها في علبة مدهونة بشوي زيت ونغلق عليها مدة ربع ساعة ثم نعجنها شوي ونقرصها وندهنها بحليب خثر او صفار بيض مع مغرفة زيت ونذرذر الجلجلان ونغطيها بكيس ومنشفة حتى يتضاعف حجمها ثم نطيبها ولما نخرجها من الفور نحطها فوق سياج ولما تبرد نحشيها حسب الرغبة اترككم مع الصور