inchallah tkounou labess el youm jebtelkoum la recette ta3 les babas aux sirop trés facile et madhmouna
المقادير: 300غ فرينة
20غ خميرة خبز
3 بيض
3 مغارف سكر
نصفملعقة صغيرة ملح
50غ زبدة ذائبة
ثلاث ارباع كاس حليب دافئ
فاني
شربات: 400غ سكر + 2 كيسان ونص ماء + نصف حبة قارص يغلي على نار قوية لمدة 10د وطفي عليهوخليه جانبا
التحضير: نحضر اولا le levin : نضع مغرف سكر من المقاديرالمذكورة اعلاه يعني ندير مغرف سكر ونخلي زوج+ الخميرة + 3 مغارف فرينة من الفرينةالمذكورة في المقادير نخلط + الحليب الدافئ كله حتى تولي سائلة
نخليها تخمر حتى تطلع
ثم نضع البيض+ سكر + فاني + ملح + الزبدة ذائبة +le levin+الفرينة ونخلط الكل نتحصل على عجينة نوعا ما طرية
نحضر لمول تاع البابا تاع سيليكون او لخرين ندهنهم مليح ونحط العجين فيهم
نخليهم يخمروا حتى يزيد الحجم
ثم ندخلهم يطيبوا في فرن ساخن حتى يحماروا فور خروجهم من الفرن تسقيهم بالشربات لازم يكون شاربين
اما التزيين يكون حسب الرغبة انا استعملت نيكتارين و النيستلي و شيكولاطة مرابية ان شاء الله تعجبكم الصور
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.