السلام عليكم انا فقط حبيت نطرح سؤال للمتزوجات هل تحبي امك الحقيقية هل تحترمى امك هل تتمنى الخير الى امك فلماذا تحبي كل هذه الاشياء لامك و لا تتمنيه لعجوزتك من هى العجوز مسكينة اذا عاملتيها مليح رايحه هي كذلك تعملك مليح خلى زوجك تكبري فى عينيه حبيلو امه حتى اذا كانت قبيحة بطيبتك تبدليها صراحة هل فكرتى يوما ما شراء هدية جميلة لعجوزتك كبرتى بيها نهار كاين فى بعض الاحيان الزوجات لى كرهو اواجهم فى امهاتهم ما تقولوش ما كانش منها لان هذا هو الواقع عمرك ما تحقريها حبيها ذريها فى بلاصة مامك كبري بيها وردى بالك كاين بعض الازواج يقولولك خلينا منها يعنى من امه ما تسمعيلوش و الله غير انتى الخاسرة ايه لو كان عندى عجوزتى رانى حاطتها فوق راسى انا عجوزتى الله يرحمها بزاف كنت انا ويها متفاهين نغسلها لباسها نحددلها و فى الاعياد كى نشريلها لباس نعطيه لزوجى يقدملها الهدية و يقولها هاكى يما تصورو واش تقولو هذا منن عند زوجتك انت عمرك ما درتلى شئ فى العيد قبل ما تتزوج نقولها انا لالا يما هو ليشرلك اللباس باه نحسسها بلي بنها منساهاش و عمرو ما ينساها و نقولك حاجة ما تسمعيش كلام الناس لان انا فى اول الزواج نديت لزوجتى يما و انا مقتنعة بهذا فاصبحو بعض النساء يقولولي كيفاش تعيطيلها يما حنا ما كانش لى ىجى فى بلاصة يمانا غير باه يفرقو بيناتنا و الحمد لله يما اى عجوزتى الله يرحمها عطيتنى دعوة الخير انا و زوجى و الحمد لله يارب ارحمها من فضلكم هزو فاتحة عليها