مش عارف اذا كان فهمت قصدك و الا لالا بخصوص الواجب المدرسي لازم عليه يبحث ف الكتب المواضيع المقررة يعني بالسيف عليه يلقئ الحل لانو هنا التلميذ ف مرحلة التعليم العادي انت تعطيه المفاتيح و الطرق و تبين له وين حبيت توصل انت ايها الاستاد و هو لما يتابع هذيك الخطوات راح يوصل للشي اللي يحبوا الاستاذ
مش الاستاذ يعطي واجبات غامضة و بالاك هو والله ما عارف عليها حاجة و قبل هذا نتكلموا علئ المقرر اللي يجي من الوزارة فيه اخطاء و هفوات و حشوا كلام فارغ و دراسات عليا حسبوا التلاميذ راهم ف مستوئ تعليمي عالي لالا نهار يوصل التعليم العالي هنا هو مجبر باش يبحث من مراجع اخرئ غير المقررة و عليه الاستاد ارئ له الحق ف تعديل البرنامج الدراسي و لو جزئيات منه
يا صاحبي اسئلة مثل هذه لتلميذ بمستوئ ابتدائي راح يكره الدراسة اصلا خاطبوهم علئ قدر عقولهم
اما بالنسبة ليك ياصاحبة الموضوع لو تخلي هذا الابن وحده يبقئ راح يحس بالجوع و لما يحس بالجوع يحس انو الغرفة مش مرتبة و بعدها يضرب طلة عند امه يتوحشها ثم ثم و يحس انها محتاجة شيء و ممبعد يبقئ يتامل ف الاضواء و يخمم و هذا ناتج عن التامل ف السقف و يكره و يعطيعا للتلفزيون و يتفرج و ف الاخير يحس باحساس لم يحسه من قبل يكره الدراسة و يبدا يتعوج علئ امه و معلمه و باباه ووو