السلام عليكم و رحمة الله تعالى و بركاته
خاوتي وش حالكم إن شاء الله تكونو بخير و على خير
حبيتكم تشاركوني هذا الموضوع الذي يهمني شخصيا و عليه أريد أن أستفيد من مشاركاتكم فلا تبخلو علي بالرد
الموضوع باختصار
كيف تتربجو "يعني تدلعو" الأطفال في منطقتكم
أو كيف تدلعكم والدتكم أو جداتكم لأن الجدة تدلع أفضل من الأم أحيانا
لكن يرحم والديكم ما تقولوليش "بوبو" و "سوسو" أو "وائل المتوحش"
جيبولي التربيجة تاع بااااااااااااكري
مثلا عندنا في بسكرة ندلعو البنت "بيبيشة" أو "موشة" أما الولد فنقولول "يابابا" أو "الرجالة" بشدة على الجيم
وهذه الكلمات معروفة جدا في مدينة بسكرة و وادي سوف نترجو بيها بالبنت الصبية
سعدي بيها سعدي بيها
حنة و زغاريت اعليها
تعمى العين الي تاذيها "يعني تأذيها"
هاه و انتوما وش تقولو