[مريم الصابرة]

السلام عليكم اخي بارك الله فيك فالحقيقة والله ما نعرف المطار هذا دخلتو مرة كانت خالتي راحا للعمرة والداخل ما نعرفوش عيب مطار دولي ما فيهش مصلى زعمى بلد إسلامي الملاهي الليلية بالعشرات والآلاف والمصلى ماكانش ياخي بلاد ميكي
الاسواق على طرف الطريق خويا عبدو هي سلاح دو حدين يعني وين يروحو يسرقو لازم يبيعو الله غالب ما نظموهمش واللي زواولة يشرو من عندهم الثمن ناقص بزاف على الحانوت اما اللي يجرو ربي يهديهم راهم طايرين بيرمي نتاع الطيارة غالي خويا عبدو جربو نتاع السيارة يطيرو بيه شكرا
انا حبيت نحكي على ظاهرة إجابية ومان منا لما ننتظرو الحافلة فالشمس وبرا ومرات طول الحافلة بزاف لكن الآن نشوف عدلو لاريات وكاني وين نقعدو ومغطية على الشمس وعلى الشتا يعني هذي حاجة تسقمت في بلانا خير من كانت ممكن من اللي خرجو النسا يخدمو واش رايكم ؟ شكرا