اقتباس:
المشاركة الأصلية كتبت بواسطة ~ في الإنتظار لـ ~
مبروك عليك
بالنسبة للتنظيم
الاواني يغسلوهم البنات اللي يقراو في الثانوية او الجامعة ... او المتوسطة اذا كاين بنات فحلات باش مايكسروش الاواني
الاكل للكبار اكيد و في وقت الغدا تاني هما اللي يحطوا الاكل في الصحون
و لكن لازم وحدة هي اللي تديلهم الصحون في سنيوا كبيرة
و السلاطة توجدوها قبل الغدا بساعة او ساعتين و تخليو غير vinaigrette الاخير لما جيو رايحين تحطوا الغدا
تاني تغسوا الفواكه و تحطوهم في الصحون
تقطعوا الخبز و تحطوه في الطبق
هكذا كامل قبل وقت الغدا بساعة او ساعتين
و بنات يهزوا الاواني لما النسا تخلص الغدا -> اذا ماكنش بزاف البنات خلي اللي يغسلوا هما اللي يجبوا الاواني
الصغار تاع العائلة -> لو تشوفي وحدة بين الاولاد تكون هي الكبيرة و هي تعس الاطفال الاخرين و هكذا باش الامهات يتفرغوا للمساعدة
هذا واش راني متفكرة الان
و ماتنسايش ماماك لازم تلبس لبسة شابة بزاف باش اللي يجي يعرفها هي ام العروسة
بالتوفيق و ادعلي معاك |
ربي يحفظك أختي و ييعطيك ما تتمناي و يرزقك بزوج عاجل غير اجل........ حنا في عادتنا وليمة غداء الحنة تكون كسكس باللحم مع فاكهة الموسم و المشروبات الغازية ........ يعني ما نديروش الطياب ............ علاخاطرش المعروضات يكونوا بزاف الله يبارك... أقل شيء يكن يدوروا في 270 امرأة بلا ما نحسبوا الأطفال....... امالا يسلكها غير الكسكس......... ههههههه
و نزيدك حاجة كانت الناس زمان العائلات تتعاون في هاكة وليمة........ دركة لالا ولات خالتك و لا عمتك تجي كيفها كي المعروضات................. الواقع فرض علينا نديرو عاملات .........
و زيد عدنا أهل العريس يجو لدار العروسة بنهار قبل الحنة ........... هنايا نقومو بيهم و نديرو الطياب و حتى ممكن يكون فيه كيما نقولو حنايا بومصور يعني خروف مشوي و هذا عندنا باش نكبرو بيهم.......
و بالنسبة لوالدة و أختي هما غاديين يكونو مستقبلات الضيوف علابيها لازم يكونو مستيكيين
مليح هانيات ....... ماشي حايرات في الطياب و التسربي............
و ربي يقدر الخير لكل ولية.........
تقبلي تحياتي
نتمنى الموضوع كيما قالت الأخت يروح لقسم العرائس