[مريم الصابرة]

المشاركة الأصلية كتبت بواسطة soso sirin

والله غير ضحكتيني يا مريومة امالا نشرو اديداس هههههههه. واش نقلك نخاف باه نركب في الطاكسيات و حدي و حتا و كون نعرف روحي نموت في الطريق مانركبش معاه و حدي كيما قالولي صحاباتي ماراهش غول باه ياكلك .ركبت مرا وحدا مع صحاباتي في طاكسي و كانت الشتا دايرا حالة و مكانش النقل حتا حللوني مساكن و قتلهم هاذي الاولى هاذي التالية و كي نزلت قالولي شفتي ماكلاناش ههههه. و حنا في الدار عندنا 3 نركبو معاهم و ناس كونفيونس في الدار كامل نعرفوهم و يجو لينا حتا للدار كي نحتاجوهم مي كاين واحد برك الي حتا و نكون انا و خواتاتي برك و نعيطولو يجي يدينا عادي و كي نركبو معاه مانخافش لانو انسان تاع ثقة و كي نركبو معاه مايشري هدرة مايستضرف دمو اما لخرين لازم نكونو مع بابا و لا واحد من خاوتي .و الوحدا تايفيتي الخرجة بالطاكسي وحدها الا اذا كانت حاجة الله غالب

السلام عليكم اختي
والله يا وسيلة اختي يصراو مواقف بزاف من الطاكسيور لكن الوحدة الي في مثل حالاتي واش دير الله غالب لكن نركب بزاف مع جاري طاكسيور إنسان كبير وصاحب بابا الله يرحمو ونتاع ثقة كبيرة لكن مرات نكون في مكان ما نعرفش الناس ثم مضطرة نركب مرات يكونو ولاد فاميليا الحقيقة ويحشمو والقرأن فالطونوبيل وكاين يا اختي قلال التربية
مرة ركبت مع واحد شويا شعل البوست إذاعة شويا جات غنية انا حشمت تخيلي زاد للبوست تشوكيت قتلو خويا حبس قال خير قتلو حبس نزلت قتلو روح وحدك جيب العروسة روح تقرا على آداب التعامل مع الناس ياخي راجل ياخي نيرفاني بزاف ه الله غالب الظروف تخلينا نتلاقاو بواحد الاشكال ما نعرف كان كانو مربعات او مثلثات ما عرفتش