ســـــلآلآلآم
يا الاخت انا من المتحصلين على شهادة البكالوريا لسنة 2012 ....حبيت برك نقولك بلي هادا الخوف و هادي القلقة لي راهم دايرينلك راهم حاجة عادية ..و هادا الاحباط و المورال مرة طالع و مرة هابط شي عادي يصيب كل مقبل على امتحان شهادة البكالوريا خصوصا في الليامات اللولين هادو ...خاطاكش في هادو الليامات مزالكم مدخلتوش و متعمقتوش فالدروس بزاف ...تجي تقراي متفهميش واش تقراي و منين تبداي ...نورمال هكا كنت انا العام لي فات .....مبعد كي تبداو القراية نتاع الصح اكي تعرفي تنظمي روحك
نقولك برك ..كي تجي تروحي للدار من القراية ...راجعي الدروس لي درتوهم فهادا النهار ..عاودي اقرايهم و عاودي حلي التمارين لي درتوهم و حلي تمارين شويا خفاف .....الدرس لي تديروه نحيه عليك ..خاطاكش صدقيني كون تديري هك منبعد تلقاي روحك ...خاطاكش منبعد في نوفمبر و ديسمبر تلقاي الدروس ثم ثم تراكمو متفهميش كيفاه حتى تراكمو ...و في جانفي تبداي تحسي بلي الوقت صح خلاص عليك
و نتي منبعد لازمكي تعرفي كيفاش تحاولي تقراي كلشي و تقيسي الجوانب كامل خاطاكش الشهر نتاع ماي و اواخر افريل لازم تعاودي المراجعة من اللول
المهم شوفي المواد نتاع الحفاظة الدرس لي تديريه احفظيه جامي تخليه و لا تقولي غدوا نحفظو صدقيني كيما تلحقي للدار طيشي كارتابلك واحفظي الدرس هااداك و منبعد روحي رتحي ولا تفرجي ولا ..........و نقولك على حاجة باش متنسايش الدروس لي تحفظيهم : مثلا نقولو درتو اليوم درس فالتاريخ ...حفظتيه ....غدوا زدتو درتو درس خلاف ...كي تجي تحفظي هادا الدرس عاودي معاه الدرس لي فات ..هكدا صدقيني متنسايهش ..............و يا اختي اعطي للحفاظة اولوية على التمارين ..خاطاكش التمارين ديما تلقاي وقت باش تديريهم مي الحفاظة كون يتراكمو عليكي الدروس تتطفر فيكي
و تاني نصيحة دوك فالليمات هادو نتاع سبتمبر و اكتوبر ننصحك تحلي les sujet نتاع الفرونسي و لونجلي خاطاكش هادو ميستلزموش تسناي حتى تقراو الدروس ..خاطاكش مجرد اسئلة حول النصوص و تلقايهم ساهلين ..من جيهة يطلعلك المورال و من جيهة تزربي تنحيهم عليكي خاطاكش منبعد متلقايلهمش الوقت ...كيما انا الفرونسي العام لي فات و الله مارجعتها مالقيتش الوقت
المهم عمبالي طولت ....متفورصيش روحك الليام هادو ..و ميطيحلكش المورال كي متسهريش ولا متقرايش بزاف خاطاكش القراية نتاع الصح تبدا في منتصف نوفمبر خاطاكش تكونو مشيتو شويا فالدروس .........................و ربي يكون معاكم كامل و انشاء الله تنجحو .....و متتقلقوش برك ...الباك يفوت كي والو و كي تخلصوه تولو تتفكرو كيفاه كنتو مقلقين و خايفين ....و تولو تضحكو على رواحكم
عمبالي بلي قد مانحكولكم و قد ماننصحوكم متأمنوش و تبقاو خايفين مي بلعقل برك ...و الخوف هادا راهو مليح خاطاكش هو لي يفورصيكم باش تقراو
ايا ســــلالآلآلآم ..انشاء الله نكون عاونتكم شويا
ااااااااااااه تفكرت حاجة مهمة ...لي راهو متبع كاش مسلسل ولا يتفرج التيليفيزيون بزاف ....نقولك غير نقص ..ادا متبعين كاشي مسلسلات غير حبسوهم ...خاطاكش منبعد متقدروش تفرطو ...الخوف و الضغط هاداك يخلوكم تبقاو تتفرجو في كل شي ..عمبالي حاجة غريبة ..مي و الله صح تولو تتهربو من القراية ...مالا ابداو نقصو شويا التيليفيزيون ماعليش تبقاو قاعدين ماتديرو والو المهم متتفرجوش .....ايا ربي معاكم