[مريم الصابرة]

المشاركة الأصلية كتبت بواسطة الواثق

صح اختي الميزانية امرها غريب وكل مرة اعرف منها ان بركة الله عزوجل هي الاساس .................لما كنت في الجامعة كنت نخرج في الليل نخدم انا واصحابي 500 فراك ماعندناش نروح نهبطو في السلع من الحاويات كل مرة كيفاش كانت 50 الف ياحسراه تقضي بيها حتى البومادة نشريها نديرها لكتفي لاني كنت نتجرح ......................وكان الواحد طالع هابط كل دقيقة في بلاصة ودورو مانسعاها التيكيات برك ههههه............وهذا كامل حال الطلبة ............لكن كانت ممتعة جدا ......................صديقي في العرفة كنت اعتبره من المجاهدين كان ابوه ضرير وهو قائم على عائلته ويسكن في البيوت القصديرية تصوري يقرا في النهار وفي الليل دائما يعمل في اشق الاعمال يعني البلا والبيطون باش يبعث دراهم لدارهم ..........وكان دائما يضحك ويلعب وكان الدنيا كله له ......وكان يسلينا بمغمراته رغم تعاستها .........وكان لايذهب لبيته في العطلة يهبط لغرداية للعمل .........................ويرجع لايام فقط الى بيته وكان يقول لي كل شيء الا دموع ابي وامي عندما اراهم ..............يعني رجل لم ارى مثيله الا نادرا محافظ على دينه ماشاء الله لايخاف شيئا ابدا الا الله حتى الاساتذة في الجامعة كلهم يعرفونه ويقدرونه ........................ذكرتني به

السلام عليكم اخي
والله يا اخي الرجال اللي كيما صديقك يستاهلو الإحترام وهوما الي صح تنطبق ليهم كلمة رجال كيما والديه تعبو ودارو كل شي راه هو الآن يتحمل مسؤوليتهم إن شاء الله يكون كمل قرايتو ووصل لمستوى مليح يا رب دعاوي الخير نتاع الوالدين خير من مال الدنيا
وموضوعي فيه فكرة نوصلو للقناعة الفقراء قانعين ومرتاحين وتلقاهم يقسرو ويضحكو ولو قلوبهم معمرة هم لكن روح أقعد مع واحد غني هذا كان تقدر تقعد معاه والله تفضل تشرب الدفلى ولا تستبن كلمة من حكايتو رحمة ربي كبيرة أعطاهم المال ونحالهم القناعة وراحة البال شكرا اخي .